noar school
74
Moar wie dwoalen of, ik probaier wat te vertellen vanuut de
belevenissen van 'n kind, misschain klopt dat soms nait hailemoal
met de werkelijkhaid van dei tied, et is ook omtrent 70 joar leden.
Ik probaier dat in de sproak van toun te doun, ik denk en praot nog
‘t laifs in oonze grunneger toal in 't schrieven doarvan bin 'k nait
zo handig, krieg ik moar 'n vief ofzo, te veul fouten, et is moar even
dat je 't waiten.
Zes joar, neudig tied om noar school te goan, et was in April of Mai
1937. ‘t Was wel vreselijk, wie hadden altied moar wat vrij rondlopen
en nou de haile dag doar in dat klaslokoal zitten ‘t laifs mit aarms
over mekoar, dat was ain grode aanslag op oonze vrijheid, der was
vur oons nooit ain vrumde oppas west. Gain peuterschool, gain
kleuterschool en nou drekt noar de grode school, dat kon ja nait
bestoan. Wie werden ook nait wegbrocht, achter op fietse, of vur op
bie pa op dei haarde stange zitten, loat stoan mit ‘n auto, dei was
wel uutvonden moar nog nait bie oons, ‘k sol nai waiten wel zo'n
ding har in de buurt. Sie konden oons ook rustig loaten loopen, der
was van ‘t verkeer gain gevoar te duchten op de weg. Moar et was
hein en terugge toch wel zeuven km, mooi weer, regen en wind,
laange koale winters. ‘t Muik aalmoal niks uut, wie gingen noar
school, dat was hail vanzulf.
Meester Scholtens was de boas in de school en ook op
't schoolplain, dat was al joaren zo, meester was er ook al toun mien
pa doar noar school ging en dat was hoast dattig joar eerder.
De hoofdmeester Scholtens har de hoogste klas, dan kwam meester
Kerssies, dei kon zo mooi vertellen.
Veural voaderlandse geschiedenis, wie hebben wel es had dat hij in
Ik laip dus gewoon mit de aandern noar school, dat was de
christelijke school op 't Nieveen. De kokse school, ik wos toun nait
woarom ze ons soms vur koksen uutscholden, vur degenen dei dat in
dizze tied nait meer waiten, tussen 1834 en 1885 waren er minsen
dee konden zich nait meer vinden in de Hervormde kerke, sie gingen
doar bie weg en muiken ain aandere kerke de "Geriffermeerde" en
hun veurman was dominee de Kok uut Ulrum, vandoar dat
scheldwoord "koksen".
So waren der op ‘t Nieveen ook twei kerken, de Hervormde en
Geriffermeerde, de leste joaren goan ze weer soamen noar wat nou
de Protestantse kerke is bie de Dam.
Ki
Ellen
